ກອງປະຊຸມເວທີປຶກສາຫາລືການແລກປ່ຽນ ດ້ານອະລິຍະທຳ ແລະ ການພັດທະນາທົ່ວໂລກ
ວິທະຍຸກະຈາຍສຽງຫວຽດນາມ, ລາຍງານ ວັນທີ 7 ພະຈິກ ນີ້, ກອງປະຊຸມເວທີປຶກສາຫາລືການແລກປ່ຽນດ້ານອະລິຍະ
ທຳ ແລະ ການພັດທະນາທົ່ວໂລກ ທີ່ໂຮງຮຽນພັກສູນກາງ ສປ ຈີນ (ສະຖາບັນການປົກຄອງແຫ່ງຊາດ ສປ ຈີນ) ເປັນເຈົ້າພາບໄດ້
ຈັດຂຶ້ນຢູ່ ນະຄອນຫຼວງປັກກິ່ງ ໂດຍຈະດຳເນີນເປັນເວລາ 3 ວັນພາຍໃຕ້ຫົວຂໍ້ “ການສືບທອດອະລິຍະທຳ ແລະ ການພັດທະນາ
ແບບທັນສະໄໝ” ໂດຍມີບຸກຄົນຈາກວົງການຕ່າງໆ ເຊັ່ນ: ປະມຸກລັດ, ນັກທຸລະກິດ, ຜູ້ຊ່ຽວຊານ, ຜູ້ມີຊື່ສຽງດ້ານວັດທະນະທຳ
ແລະ ທູຕານຸທູດຕ່າງປະເທດປະຈຳຈີນປະມານ 150 ຄົນຈາກ 30 ກວ່າປະເທດ ແລະ ເຂດແຄວ້ນໄດ້ເຂົ້າຮ່ວມ.
ກອງປະຊຸມຄັ້ງນີ້, ມີຈຸດປະສົງເພື່ອເພີ່ມທະວີການແລກປ່ຽນ ແລະ ລົງເລິກການສົນທະນາລະຫວ່າງອະລິຍະທຳຕ່າງໆ, ຊຸກ
ຍູ້ການປະດິດສ້າງໃໝ່ ແລະ ການພັດທະນາແບບຍືນຍົງໃນຂົງເຂດແນວຄິດ, ລະບຽບການ ແລະ ວິທະຍາສາດເຕັກໂນໂລຊີທົ່ວ
ໂລກ, ສ້າງລະບຽບການດ້ານອະລິຍະທຳທີ່ກວມລວມ, ເປີດກວ້າງ, ຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ, ສັນຕິ
ພາບ ແລະ ການພັດທະນາຄືນໃໝ່.
ໃນຖານະເປັນກິດຈະກຳສົມຄູ່ກັນພາຍໃຕ້ຂອບເວທີປຶກສາຫາລືຄັ້ງນີ້, ກອງປະຊຸມເວທີປຶກສາຫາລືຄັງປັນຍາລະດັບສູງກ່ຽວ
ກັບການປົກຄອງປະເທດ ຂອງປະເທດພວມພັດທະນາ ຄັ້ງທີ 4 ໄດ້ຈັດຂຶ້ນໃນໄລຍະດຽວກັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 16/11/2023